वीरगंज, ९ पुस । राष्ट्रिय प्रजातन्त्र पार्टी (राप्रपा) प्रतिनिधिसभा निर्वाचन क्षेत्र नं. १ पर्साले २०८२ फागुण २१ गते हुने प्रतिनिधिसभा निर्वाचन अन्तर्गतका लागि प्रत्यक्ष तथा समानुपातिकतर्फका उम्मेदवारहरूको नामावली सिफारिस गरेको छ।
राप्रपाको केन्द्रीय समितिको २०८२ मंसिर २८ गतेको निर्णय अनुसार प्रतिनिधिसभा निर्वाचन क्षेत्र नं. १ क्षेत्रीय कार्य समिति, पर्सा मार्फत पार्टीको विधान र निर्देशिका अनुसार उम्मेदवार छनोट गरी सिफारिस गरिएको हो।
सिफारिस गरिएका उम्मेदवारहरूमा प्रत्यक्षतर्फ किरणमान डंगोल, शान्ति देवी खड्का कार्की, नन्दकिशोर प्रसाद श्रीवास्तव, वरूण चौरसिया रहेका छन् ।
यसैगरी समानुपातिक (मधेशी) तर्फ मिरा देवी झा, जंग बहादुर राउत, मनोहर चौरसिया, त्यसैगरी समानुपातिक (खस–आर्य) तर्फ राम बहादुर थापा, दुर्गा कुमारी घिमिरे गोलात (महिला तर्फ)को नाम सिफारिस गरिएको छ ।
उक्त नामावली प्रतिनिधिसभा निर्वाचन क्षेत्र नं. १ क्षेत्रीय कार्य समिति, पर्सा को मिति २०८२ पुस ६ गते बसेको बैठकको निर्णयअनुसार केन्द्रीय नेतृत्वसमक्ष सिफारिस गरिएको हो । सिफारिस पत्रमा प्रतिनिधिसभा निर्वाचन क्षेत्र नं. १ क्षेत्रीय कार्य समिति,पर्साका अध्यक्ष अर्जुन बहादुर सिंह ठाकुरीको हस्ताक्षर रहेको छ।
