दाइजोविना विवाह गर्ने दुई जोडी सम्मानित

वीरगंज, २० फागुन । पर्सा जिल्लाको वीरगंज महानगरपालिका–१७ अलौमा दाइजोविना विवाह गर्ने दुर्ई जोडीलाई दुर्ई संस्थाले सम्मान गरेको छ ।
बाराको महागढीमाई नगरपालिका वडा नं १ बरियारपुर निवासी तथा राष्ट्रिय अनुसन्धान विभाग जिल्ला कार्यालय बाराका बरिष्ठ अनुसन्धान सहायक बिकाश कुमार साह पर्साको वीरगंज महानगरपालिका वडा नं १७ अलौ निवासी डा. रिमा साह संग दाइजो बिना फाल्गुन १८ गते विवाह गरेका थिए ।
दाइजोको लागि छोरीलाई यातना, मानसिक तनाव दिने समाजमा दाईजो मुक्त विवाह गरी समाजमा उदाहरण पेश गरेको उक्त जोडीलाई दाईजो एवं सामाजिक कुरीति बिरूद्ध जागरण मञ्च वीरगंज र बाल विवाह एवम् दाइजो उन्मुलन अभियानले विवाह मण्डपमै पुगेर सम्मान गरेको थियो।
दाईजो एवम् सामाजिक कुरीति बिरूद्ध जागरण मञ्च वीरगंज पर्साका उपाध्यक्ष प्रकाश थारू, सचिव मनोज कुमार मिश्रा, वीरगंज कपडा बैंकका अध्यक्ष लालबाबु सिंह, संचारकर्मी अभिलाष गुप्ता र कन्हैया पटेलले दोसल्ला र माला ओढाई सम्मान पत्रद्वारा सम्मानित गरेको थियो ।