९ माघ, मधेश प्रदेश ।
प्रतिकूल मौसमको कारण बुधबार तराईका विमानस्थलमा निर्धारित सबै उडान रद्द भएका छन् ।
त्रिभुवन विमानस्थल कार्यालयका अनुसार आज सिमरा, नेपालगञ्ज र धनगढीका सबै उडान रद्द भएका हुन् । बुद्ध एयरले समेत यी विमानस्थलमा आज कुनै पनि उडान हुन नसकेको जनाएको छ ।
तराई भेगमा बाक्लो हुस्सुका कारण उडान निरन्तर प्रभावित बनिरहेको छ । काठमाडौंमा उडान र अवतरण सामान्य भए तापनि तराईका सिमरा, नेपालगञ्ज र धनगढीमा बाक्लो हुस्सुका कारण उडान र अवतरण हुन सकेको छैन ।
